fbpx
Laugardagur 20.júlí 2019  |

DV - Frjáls og óháður miðill

Fréttir

Opinberir starfsmenn á flótta undan blaðamönnum

Björn Þorfinnsson
Föstudaginn 31. ágúst 2018 20:00

Björn Óli Hauksson Forstjóri Isavia Mynd/Isavia

Ekki missa af Helstu tíðindum dagsins í pósthólfið þitt

Lesa nánar

Fyrir tveimur vikum fjallaði DV um afar einkennilegt mál sem meðal annars snýr að starfsemi fyrirtækis á Reykjavíkurflugvelli sem Sigurður Ingi Þórðarson, betur þekktur sem Siggi hakkari, veitir forstöðu. Það furðulega mál verður ekki rakið frekar hér en við vinnslu þess kviknuðu áleitnar spurningar um öryggismál á flugvellinum sem er vinsæll áfangastaður einkaflugvéla víða að úr heiminum.

Sigurður Ingi Jóhannsson, samgöngu- og sveitarstjórnarráðherra.

Einn blaðamaður DV, Bjartmar Oddur Þeyr Alexandersson, tók að sér að skoða málið nánar og vinna að frekari umfjöllun. Þegar hann var búinn að lesa sér til um hvaða reglur eiga að gilda hófst hann handa við að óska eftir viðtölum við þá aðila sem ættu að hafa svör á reiðum höndum. Það hefur ekki gengið eftir.

Til að mynda hefur Bjartmar ítrekað óskað eftir viðtali við Björn Óla Hauksson, forstjóra ISAVIA, sem og Ingólf Gissurarson, flugvallarstjóra Reykjavíkurvallar. Fyrst voru svör upplýsingafulltrúans, Guðjóns Helgasonar, á þá leið að Björn Óli væri mjög upptekinn og gæti því ekki veitt viðtal en Ingólfur væri í sumarleyfi erlendis. Bjartmar hugðist bíða rólegur og hefur síðan ítrekað beiðni sína. Nýjustu svörin voru á þá leið að öryggismál og flugvernd á flugvöllum væru flókin viðfangsefni og því sæju Björn Óli og Ingólfur sér ekki fært að veita viðtal.

Sama gildir um Þórólf Árnason, forstjóra Samgöngustofu. Hann var erlendis þegar blaðamaður óskaði eftir viðtali og því sagðist Bjartmar geta beðið rólegur þar til forstjórinn væri kominn aftur til vinnu. Þá barst ófrávíkjanleg krafa þess efnis að forstjórinn fengi sendar spurningar blaðamanns í tölvupósti þar sem „um viðkvæm öryggismál væri að ræða“. Enginn viðtalstími hefur enn verið bókaður.

Þórólfur Árnason, forstjóri Samgöngustofu.
Ingólfur Gissurarson, flugvallarstjóri Reykjavíkurflugvallar.

Bjartmar hefur einnig óskað eftir viðtali við Sigurð Inga Jóhannsson samgönguráðherra vegna málsins. Ekki var hægt að bóka viðtalstíma því mikið var að gera hjá ráðherra. Það er víst í skoðun og aðeins ef spurningar eru sendar fyrirfram.

Það þarf ekki að hafa mörg orð um hversu óþolandi og hreinlega andlýðræðislegt þetta viðmót er. Það er einfaldlega skylda opinberra starfsmanna og kjörinna fulltrúa að leggja sig fram við að svara spurningum fjölmiðla, jafnvel þótt þær séu óþægilegar. Leyndarhyggja á ekki að líðast.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

True stelur senunni
Fréttir
Í gær

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“

Hallgrímur vill veita öllum hælisleitendum dvalarleyfi strax í dag – „Er til nokkuð betra svar við fasismanum sem nú rís?“
Fréttir
Í gær

Heiða taldi sig hafa nappað barnaníðing við Drekavog – Ekki var allt sem sýndist

Heiða taldi sig hafa nappað barnaníðing við Drekavog – Ekki var allt sem sýndist
Fréttir
Í gær

Úr boltanum í Biskupsstofu

Úr boltanum í Biskupsstofu
Fréttir
Fyrir 2 dögum

Hringbraut stendur við frétt sína um gjafamiða á Secret Solstice og birtir upptöku – Hvers vegna þurfti borgarstjóri þrjá miða?

Hringbraut stendur við frétt sína um gjafamiða á Secret Solstice og birtir upptöku – Hvers vegna þurfti borgarstjóri þrjá miða?
Fréttir
Fyrir 2 dögum

Mótmælendur sögðu Stöð 2 hafa pantað mótmælin: „Báðu okkur um að trufla aftur svo þau geti tekið það upp“ – Misskilningur segir fréttastjóri

Mótmælendur sögðu Stöð 2 hafa pantað mótmælin: „Báðu okkur um að trufla aftur svo þau geti tekið það upp“ – Misskilningur segir fréttastjóri
Fréttir
Fyrir 2 dögum

Árni Sigfússon minnist bróður síns: „Reiðarslag því ekkert benti til svo skjótra endaloka“

Árni Sigfússon minnist bróður síns: „Reiðarslag því ekkert benti til svo skjótra endaloka“
Fréttir
Fyrir 3 dögum

Vilja láta stórskulduga sitja sektir af sér – Sáralítið innheimtist af hæstu sektunum

Vilja láta stórskulduga sitja sektir af sér – Sáralítið innheimtist af hæstu sektunum
Fréttir
Fyrir 4 dögum

Æpandi þögn lögreglu í Bauhaus-málinu

Æpandi þögn lögreglu í Bauhaus-málinu