fbpx
Föstudagur 12.apríl 2024
Fréttir

Sólborg segist hafa verið þremur sekúndum frá því að fá rútuna framan á bílinn sinn

Ritstjórn DV
Miðvikudaginn 28. febrúar 2024 07:59

Ekki missa af Helstu tíðindum dagsins í pósthólfið þitt

Lesa nánar

Sólborg Guðbrandsdóttir segist hafa verið þremur sekúndum frá því að fá rútu framan á bíl sinn þegar rútunni var ekið á öfugum vegarhelmingi á Reykjanesbraut í gær.

Myndband af athæfi rútubílstjórans hefur vakið mikla reiði í samfélaginu en ljóst er að litlu mátti muna að stórslys yrði. Ef marka má myndbönd af atvikinu sveigði ökumaður rútunnar framhjá vegriði rétt við álverið í Straumsvík og ók á öfugum vegarhelmingi á móti aðvífandi umferð. Þurftu ökumenn að hafa hraðar hendur og sveigja frá til að forðast slysi.

Sólborg skrifaði færslu í Facebook-hópinn Stopp, hingað og ekki lengra! í gærkvöldi en hópurinn berst fyrir því að lokið verði við tvöföldun Reykjanesbrautar vegna tíðra slysa á brautinni síðustu ár.

Í færslu sinni skrifaði Sólborg:

„Það munaði sirka 3 sekúndum að ég hefði fengið þessa rútu framan á bílinn minn í dag. Að þessi vegur sé ekki tvöfaldur alla leið hefur kostað svo sorglega mörg líf. Það er ekki boðlegt að svona aðstæður geti skapast á jafn fjölförnum vegi. Hvað þurfa margir að deyja til viðbótar áður en Reykjanesbrautin verður kláruð?“

Sólborg ræddi svo málið við Vísi í gærkvöldi.

„Ég held ég hafi verið bíll númer tvö sem mætti honum þarna. Það er nýbúið að vera banaslys þarna. Ég er reiðust yfir því að þetta sé ekki tvöfaldað. Ég sat í stjórn hópsins Stopp hingað og ekki lengra! sem hefur verið að berjast fyrir tvöfölduninni. Við fórum á fund með samgönguráðherra 2018-19 og ég veit ekki hver staðan er enn þá,“ sagði Sólborg við Vísi en mbl.is vakti fyrst athygli á myndbandinu.

Mikil reiði er á samfélagsmiðlum vegna atviksins og hafa margir kallað eftir því að ökumaðurinn verði sviptur ökuréttindum undir eins.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Segir Norður-Kóreu prófa vopn sín í Úkraínu

Segir Norður-Kóreu prófa vopn sín í Úkraínu
Fréttir
Í gær

Rússnesk herþota var skotin niður yfir Krím – Dæmi um þann vanda sem steðjar að Rússum

Rússnesk herþota var skotin niður yfir Krím – Dæmi um þann vanda sem steðjar að Rússum
Fréttir
Fyrir 2 dögum

Vinnuslys í Hafnarfirði – Reyna að ná manni undan fargi

Vinnuslys í Hafnarfirði – Reyna að ná manni undan fargi
Fréttir
Fyrir 2 dögum

Lögreglan á Tenerife vekur reiði með aðgerðum sínum – „Þeir ættu frekar að taka vasaþjófana úr umferð“

Lögreglan á Tenerife vekur reiði með aðgerðum sínum – „Þeir ættu frekar að taka vasaþjófana úr umferð“
Fréttir
Fyrir 2 dögum

Björn Leví segir að þykjustuleikur hafi verið settur á svið – „Það var í rauninni búið að ákveða annað“

Björn Leví segir að þykjustuleikur hafi verið settur á svið – „Það var í rauninni búið að ákveða annað“
Fréttir
Fyrir 2 dögum

Rússneskir glæpamenn í vanda vegna stríðsins – Hafa misst tengslin við úkraínska starfsbræður sína

Rússneskir glæpamenn í vanda vegna stríðsins – Hafa misst tengslin við úkraínska starfsbræður sína