Í 24 ár sat Shaurn Thomas í fangelsi fyrir morð sem hann framdi ekki. Árið 1992 hlaut Thomas, sem þá var 18 ára gamall, lífstíðarfangelsis dóm fyrir vopnað rán og morð á ónefndum verslunarmanni tveimur árum fyrr. Thomas mátti gera sér það að góðu að sitja áratugum saman í fangelsi en að endingu var mál hans tekið fyrir hjá samtökunum The Innocent Program. Að endingu var málið tekið fyrir að nýju og árið 2017 var dómnum snúið við og Thomas fékk frelsi. Hann fékk að auki um 4,1 milljón bandaríkjadala í bætur eða um 570 milljónir króna.
En sú ótrúlega vending hefur orðið að Thomas hefur nú játað að hafa myrt mann í fyrra vegna 1.200 dollara, um 170 þúsund króna, fíkniefnaskuldar. Thomas hefur játað að hafa skotið hinn 38 ára gamla Akeem Edwards til bana í áðurnefndu uppgjöri. Mun hann nú að öllum líkindum fá annan lífstíðardóm og snúa aftur á kunnuglegar slóðir á bak við lás og slá. Dómurinn verður kveðinn upp í febrúar.
