Sjónvarpskokkurinn Jamie Oliver segist ekki vera hetja fyrir að hafa tæklað innbrotsþjóf í síðustu viku, hann hafi ekki átt val. Líkt og greint var frá í morgun var Oliver hylltur á nágrönnum sínum eftir að hann tæklaði innbrotsþjóf sem herjaði á hverfi Olivers í norðurhluta Lundúna.

Sjá einnig: Jamie Oliver tæklaði innbrotsþjóf

Oliver mun hafa heyrt hávær hljóð koma frá heimili nágranna síns, þegar hann var á leið niður til að athuga hvað væri í gangi þá gekk hann beint í flasið á innbrotsþjófnum sem var kominn inn á heimili Olivers. Hann mun hafa reiðst mjög við að sjá innbrotsþjófinn og elt hann út á götu, þar tæklaði hann þjófinn niður og hélt honum þangað til lögregla kom á staðinn.

Í einkaviðtali við vef breska dagblaðsins Metro segist Oliver ekki vera hetja. Hann hafi haft lítinn tíma til að hugsa og gert það sem hann gat til að koma í veg fyrir að verr hefði farið:

„Ég er engin hetja. Ég hafði ekkert val þannig að þetta var engin hetjudáð. Þetta var bara mjög undarlegt og óhugnanlegt atvik,“ segir Oliver.