Árið 2022 voru kaupum franska fjárfestingarsjóðsins Ardian á Mílu sett ítarleg skilyrði til þess að vernda samkeppni í fjarskiptum. Síðar óskaði Míla eftir endurskoðun á skilyrðunum. Eftir ítarlega rannsókn hafa nú verið gerðar breytingar á þeim, einkum vegna breyttra markaðsaðstæðna á mörkuðum fyrir heimtaugar og gagnaflutning um þær.
Við rannsóknina komu fram vísbendingar um að Míla hefði brotið tiltekin skilyrði. Míla hefur nú viðurkennt brot og greiðir 200 milljónir króna í stjórnvaldssekt vegna þeirra.
Samkvæmt rannsókninni voru tíðni og umfang samskipta Mílu og Símans frá október 2023 fram í desember 2024 til þess fallin að takmarka hvata Símans til að kaupa þjónustu af keppinautum Mílu umfram það sem kaupskylda Símans kvað á um. Þetta hefur Míla viðurkennt og gengist undir sektargreiðslur.
Sjá nánar á vef Samkeppniseftirlitsins.
