Hugbúnaðarfyrirtækið Varist hefur ráðið Sigga Pétursson í stöðu vöruþróunarstjóra fyrirtækisins.

Varist sér­hæf­ir sig í netör­ygg­is­lausn­um á sviði víru­svarna. Meðal viðskipta­vina Varist eru mörg stærstu tæknifyr­ir­tæki heims en lausn­ir fyr­ir­tæk­is­ins skanna allt að 400 millj­arða skráa fyr­ir vírus­um á dag og millj­arðar ein­stak­linga eru varðir gegn netárás­um með vör­um Var­ist, eins og segir í tilkynningu.

Siggi hefur yfir 20 ára starfsreynslu erlendis í tækni og vöruþróun hjá leiðandi netöryggisfyrirtækum á heimsvísu og gegndi lykilhlutverki hjá bandarísku fyrirtækjunum Oracle, AWS (dótturfyrirtækis Amazon) og SentinelOne.

,,Við bjóðum Sigga velkominn til Varist og fögnum því að fá hann til liðs við öflugt teymi starfsfólks sem er fyrir hjá fyrirtækinu. Hann hefur yfirgripsmikla reynslu og þekkingu á þróun umfangsmikilla og skalanlegra netöryggislausna sem fellur vel að starfsemi Varist. Siggi hefur starfað lengi á erlendum vettvangi og mun vera okkur afar mikilvægur í samstarfi við fjölda erlendra jafnt sem og innlendra viðskiptavina,“ segir Hallgrímur Björnsson, framkvæmdastjóri Varist.