Fáskrúðsfjarðargöng eru lokuð vegna umferðaróhapps sem átti sér stað í morgun. Þetta kemur fram í tilkynningu frá lögreglunni á Austurlandi en þar segir að þess sé vænst að göngin muni opna fljótlega að nýju.

„Umferðaróhapp varð í morgun í Fáskrúðsfjarðargöngum þar sem bifreið valt. Vinna er í gangi á vettvangi og göngunum lokað á meðan. Ökumaður, sem var einn í bifreið sinni, hefur verið fluttur til aðhlynningar á sjúkrastofnun, ekki talinn alvarlega slasaður.

Þess er vænst að göngin opni fljótlega að nýju. Upplýsingar um opnun þeirra mun að finna á vef Vegagerðarinnar, Umferðin“