Karlmaður á fertugsaldri lést í vinnuslysi í Korngörðum í Reykjavík í morgun, þegar sprenging varð í atvinnuhúsnæði Fóðurblöndunnar. Þetta kemur fram í tilkynningu frá lögreglunni á höfuðborgarsvæðinu. Tveir aðrir voru fluttir á slysadeild eftir sprenginguna og er annar þeirra alvarlega slasaður.

Lögreglu barst tilkynning um málið rétt fyrir klukkan hálf átta í morgun og héldu viðbragðsaðilar strax á staðinn.

„Á vettvangi voru nokkrir aðrir starfsmenn þegar að var komið en hlúð var að þeim í húsakynnum nærliggjandi fyrirtækis. Þeir reyndust óslasaðir.“

Sjá einnig: Yfirlýsing Fóðurblöndunnar um vinnuslysið í morgun – Þrír slösuðust, þar af einn alvarlega