Íslenska landsliðið í handbolta olli miklum vonbrigðum í leik sínum gegn Sviss á EM í dag en leiknum lyktaði með jafntefli, lokatölur urðu 38:38.

Sviss leiddi nær allan leiktímann og komst mest í þriggja marka forystu. Slakur varnarleikur  varð íslenska liðinu að falli í dag en staðan í hálfleik var jöfn 19:19 eftir að Sviss hafði leitt allan fyrri hálfleikinn.

Fyrirfram var vitað að sigur í leiknum í dag og sigur gegn Slóveníu á morgun hefðu tryggt Íslandi sæti í undanúrslitum á mótinu. Sá möguleiki er nú ekki lengur í okkar höndum eftir tapað stig gegn Sviss í dag.

Elliði Snær Viðarsson og Orri Freyr Þorkelsson voru markahæstir með 8 mörk hvor og Viggó Kristjánsson skoraði 7 mörk. Viktor Gísli varð sjö skot í markinu og Björgvin Páll 3.

Síðasti leikur Íslands í milliriðli verður gegn Slóveníu á morgun.