Ástríðuljósmyndarinn Matyas McDaniel opnar sína fyrstu einkasýningu á Borgarbókasafninu Spönginni í dag, en hann er aðeins 17 ára og nálgast viðfangsefnin með skemmtilegum hætti.
Ferðamaður – Utazó – Voyager er yfirskrift ljósmyndasýningar Matyas McDaniel sem opnuð verður á Borgarbókasafninu Spönginni, miðvikudaginn 17. september kl. 16.30.
Á sýningunni gefur að líta verk sem Matyas hefur tekið á undanförnum fjórum árum og er óhætt að segja að viðfangsefnin séu fjölbreytt og nálgunin á þau skemmtileg. Þannig eru andlitsmyndir, arkitektúr og staðir „sem náttúran hefur tekið aftur til sín“ fyrirferðamikil, en Matyas notast bæði við stafrænar myndavélar og gamlar filmumyndavélar í listsköpun sinni.
Matyas fæddist í Búdapest í Ungverjalandi en hefur búið í Reykjavík síðustu 9 ár. Þrátt fyrir ungan aldur hefur hann hefur ljósmyndað um árabil og eru sumar myndirnar á sýningunni frá því að Matyas var aðeins 13 ára.
Sýningin verður opin á opnunartíma safnsins til 4. október.
