Blaðakonan Andrea Sigurðardóttir skrifa forsíðufrétt um þetta og í henni er sagt frá sameiginlegum þingflokksfundi stjórnarflokkanna sem haldinn var á miðvikudag.
„Athygli vakti að fyrir utan glugga fundarherbergisins þar sem fundur flokkanna fór fram stóðu þingverðir og vörnuðu því að fólk sem átti leið hjá gægðist inn um þá. Þetta þótti nokkuð óvenjuleg ráðstöfun og vísbending um að á bak við luktar dyr og mannvarða glugga færi fram mikill hitafundur,“ segir í frétt Morgunblaðsins.
Bent er á það að hægt hafi gengið að afgreiða mál inn á þing úr ríkisstjórn og það nefnt að Inga Sæland og hennar fólk í Flokki fólksins hafi lengi borið skarðan hlut frá borði. Ekki séu vísbendingar um að það muni breytast á næstunni.
