Alvarlegt slys varð við Hvítá seint á sjötta tímanum í dag. Er maður talinn hafa lent í ánni á dráttarvél sem fór út í.
Lögreglan á Suðurlandi greinir frá málinu. Lögregla, sjúkraflutningar, slökkvilið, björgunarsveitir og þyrluáhafnir Landhelgisgæslunni tóku þátt í björgunarstarfi.
Ökumaður dráttarvélarinnar var fluttur með þyrlu til Reykjavíkur.
„Nánari upplýsingar um slysið er ekki unnt að veita en lögreglan á Suðurlandi fer með rannsókn á tildrögum þess,“ segir í tilkynningu lögreglu.
