Veður er vont víða um land og færð víðast hvar erfið. Björgunarsveitir á Suðurnesjum höfðu í nógu að snúast í morgun við að koma ökumönnum sem voru í vandræðum á Reykjanesbraut og Suðurstrandarvegi til hjálpar.

Í tilkynningu frá Landsbjörgu segir að í morgun hafi björgunarsveitir á Suðurnesjum verið kallaðar til aðstoðar vegna þess illviðris sem skall á.

Talsvert hafi verið um að bílar væru að lenda í vandræðum og stærri flutningabílar sem voru tómir verið áberandi þar sem þeir tóku svona léttir á sig mikinn vind.

Hér að neðan má sjá nokkrar myndir og myndskeið frá björgunarstörfunum en myndskeiðið er frá björgunarsveitinni Þorbirni í Grindavík.

Myndband: Björgunarsveitin Þorbjörn