Ummælin vöktu að vonum mikla athygli en það er rétt að taka þeim með ákveðnum fyrirvara segir Deniz Serinci, blaðamaður og sérfræðingur í tyrkneskum málefnum. Í samtali við B.T. sagði hann ummælin séu mjög athyglisverð því eftir því sem hann best viti, þá hafi Erdogan aldrei áður sagt neitt þessu líkt og vegna þess að Tyrkland er meðal aðildarríkja NATÓ en NATÓ styður Ísrael.
„En að því sögðu, þá er þetta ekki eitthvað sem maður þarf að taka mjög alvarlega. Ég held að Ísraelsmenn geri það heldur ekki,“ sagði hann.
Yair Lapid, leiðtogi ísraelsku stjórnarandstöðunnar, tjáði sig um málið á samfélagsmiðlinum X á sunnudaginn og sagði að Ísraelsmenn hlusti ekki á hótanir manns sem „vilji vera einræðisherra“.
Erdogan lét ummælin falla eftir að Ísraelsmenn hófu árásir á Líbanon í hefndarskyni fyrir árás Hizbolla á fótboltavöll í Gólanhæðum þar sem 12 börn og unglingar létust.
Sérfræðingar hafa bent á að tyrkneski herinn eigi ekki roð í þann ísraelska og þess utan er Ísrael kjarnorkuveldi.
