Í um þrjár vikur hafa Norður-Kóreumenn ekki sent Rússum neinar fallbyssukúlur. Rússnesk skip hafa undanfarna mánuði verið í stöðugum siglingum á milli Vladivostok í Rússlandi og Rajin í Norður-Kóreu með fallbyssukúlur.

Þetta er að minnsta kosti mat vestrænna og suðurkóreskra leyniþjónustustofnana.

Nú segir The Moscow Times að engar sendingar hafi verið síðustu þrjár vikurnar og byggir þetta á upplýsingum frá suðurkóreska greiningarfyrirtækinu NK Pro sem hefur fylgst með skipaumferðinni.

Segir NK Pro að tvö flutningaskip liggi nú við ankeri utan við Vladivostok en hin tvö séu í höfn í Kína.