fbpx
Fimmtudagur 13.júní 2024
Fréttir

Diljá hissa á konum sem segja henni að þegja yfir því að karlmaður hafi ógnað henni

Ritstjórn DV
Miðvikudaginn 14. febrúar 2024 14:00

Diljá Mist - Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Diljá Mist Einarsdóttir þingmaður Sjálfstæðisflokksins var í viðtali í Bítinu á Bylgjunni í morgun. Þar ræddi hún frekar atvik sem varð fyrir stuttu þegar ókunnur karlmaður veittist að henni þegar hún var að aka út úr bílakjallara Alþingishússins. Hún lýsir furðu sinni yfir viðbrögðum sumra sem gert hafi lítið úr atvikinu og þá sérstaklega þeim konum sem hafi beinlínis sagt henni að vera ekki að tala um þetta.

Atvikið var í meginatriðum þannig að karlmaðurinn henti einhverju, líklega klaka, í bíl Diljár og öskraði á hana að fokka sér. Diljá segir að hún hafi upplifað ógn af hálfu mannsins en lögreglan stöðvaði hann á endanum.

Hún segir að hún hafi ekki upplifað slíkt áður:

„Þarna var farið yfir mörk gagnvart mér sem ég hef ekki lent í áður.“

Hún viðurkennir fúslega að hún hafi verið skelkuð:

„Maður á ekkert að vera feiminn að viðurkenna það.“

Í sumum athugasemdum í netheimum hefur borið á því að fólk geri lítið úr þessari reynslu þingmannsins og velt því upp að aðstæður Palestínumanna sé langtum verri:

„Mér finnst það svolítið merkileg skilaboð.“

Diljá segir að það virðist skipta máli hver það er sem verði fyrir þeirri reynslu að farið sé yfir mörk viðkomandi sem sé með því ógnað og upplifi hræðslu í kjölfarið.

„Langt síðan að sú lína var dregin í sandinn“

Diljá vísar í umræður sem geisað hafa um að í rökræðum verði að gæta sjálfsagðrar kurteisi og að það eigi ekki að líðast að konum sé ógnað af karlmönnum:

„Ég vissi ekki að við værum búin að snúa til baka í þessum málum. Ég vissi ekki að við værum að segja við konur sem fullorðnir menn eru að ógna að þær eigi að þegja yfir því af því að það séu aðrir sem hafa það verr.“

Diljá segir að hún hafi heilt yfir fengið góð viðbrögð og stuðning eftir frásögn hennar af atvikinu.

„Fólk áttar sig á því að það er verið að veitast að mér út af mínum störfum, mínum skoðunum jafnvel meintum skoðunum eða hvað maður á að kalla það. … Auk þess sem við líðum það ekki í þessu samfélagi að karlmenn telji sig geta veist svona að konum. Það er svo langt síðan að sú lína var dregin í sandinn.“

Þess vegna segist Diljá vera sérstaklega hissa yfir athugasemdum frá konum sem geri lítið úr atvikinu og beini því til hennar að vera ekki að tala um þetta opinberlega:

„Að ég eigi ekkert að vera að tala um þetta af því fólk hafi það svo slæmt út í heimi. Mér finnst það köld skilaboð frá mínum kynsystrum.“

Hún segir atvikið tilefni til að skoða hvort íslenskt samfélag sé komið á stað sem Íslendingar vilji ekki að það sé á.

Viðtalið í heild er hægt að nálgast hér.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Enok Vatnar sakfelldur fyrir tvær líkamsárásir

Enok Vatnar sakfelldur fyrir tvær líkamsárásir
Fréttir
Fyrir 15 klukkutímum

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga

Vilhjálmur Birgisson vill Sjálfstæðisflokkinn og Framsóknarflokkinn úr ríkisstjórn – „Ömurlegt“ að hlusta á Bjarna og Sigurð Inga
Fréttir
Fyrir 19 klukkutímum

Kristján foxillur: „Vonandi tekur ekki 100 ár að afgreiða þá umsókn“

Kristján foxillur: „Vonandi tekur ekki 100 ár að afgreiða þá umsókn“
Fréttir
Fyrir 19 klukkutímum

„Kannski það sé skemmra til kosninga en við vitum“

„Kannski það sé skemmra til kosninga en við vitum“
Fréttir
Í gær

Aktívistar frömdu skemmdarverk á málverki af Karli konungi

Aktívistar frömdu skemmdarverk á málverki af Karli konungi
Fréttir
Í gær

Tekinn próflaus á Suðurlandsveginum og reyndi að koma sökinni upp á annan mann

Tekinn próflaus á Suðurlandsveginum og reyndi að koma sökinni upp á annan mann
Fréttir
Í gær

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“

Ofbeldi gegn stúlkum á Laugalandi – „Trauðla hef ég upplifað það jafn oft að viðmælendur mínir hafi grátið í eins miklum mæli“
Fréttir
Í gær

Gagnauppsópun fram undan hjá Meta – Þú hefur tvær vikur til að neita að taka þátt

Gagnauppsópun fram undan hjá Meta – Þú hefur tvær vikur til að neita að taka þátt