Þann 8. febrúar næstkomandi verður þingfest fyrir Héraðsdómi Suðurlands mál gegn manni sem ákærður hefur verið fyrir kynferðislega áreitni inni á veitingastað KFC á Austurvegi Selfossi.
Atvikið átti sér stað þann 8. janúar árið 2022. Maðurinn er sakaður um að hafa strokið yfir rass konu utanklæða, en konan var við störf á staðnum.
Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.
Starfskonan sem varð fyrir meintri áreitni krefst tveggja milljóna króna í miskabætur.
