Líklegast er að ef til eldgoss kemur á næstunni á Reykjanesskaga þá komi það upp á svæðinu milli Stóra-Skógfells og Hagafells, eða svipuðum slóðum og gaus 18. desember.

Þetta kemur fram í nýrri tilkynningu frá Veðurstofunni.

Áfram mælist Landsrit við Svartsengi vegna kvikusöfnunar og getur það leitt til eldgoss. Gæti gosið hafist með litlum fyrirvara en merki um að kvika væri að brjóta sér leið upp á yfirborð jarðar kæmi fram í skyndilegri, staðbundinni og ákafri smáskjálftavirkni.

„Undanfarna daga hefur skjálftavirkni á svæðinu verið afar væg. Ef kvika færi að leita til yfirborðs, má búast við að skjálftavirknin samfara því væri svipuð og sást í aðdraganda gossins 18. desember, bæði hvað varðar stærð skjálfta og fjölda þeirra. Áhrif þeirrar skjálftavirkni mun gæta bæði í Svartsengi og í Grindavík. Miðað við stöðuna núna, er afar ólíklegt að við fáum aftur jafn öfluga skjálftavirkni og varð þegar kvikugangurinn stóri myndaðist 10. nóvember,“ segir í tilkynningunni.