Rússneskir fjölmiðlar, hliðhollir þarlendum stjórnvöldum, skýrðu frá þessu og hefur dauði Zavadskii vakið töluverða athygli í Rússland, sérstaklega vegna þess að yfirvöld leyna því yfirleitt þegar háttsettir herforingjar falla í Úkraínu. Þau leyna raunar flestu því sem við kemur stríðsrekstrinum, þar á meðal hinu gríðarlega mannfalli Rússa.
Zavadskii er fyrsti hershöfðinginn sem vitað er til að hafa fallið síðan í sumar en nafn hans bætis við langa lista yfir háttsetta herforingja sem hafa fallið síðan Rússar réðust inn í Úkraínu í febrúar á síðasta ári. Hinn óháði rússneski miðill Mediazona segir að 2.700 yfirmenn hafi fallið í stríðinu, þar á meðal sjö hershöfðingjar og 91 ofursti.
Rússneski herinn hefur lengi haft það orð á sér að honum sé stýrt ofan frá og stríðið í Úkraínu hefur staðfest að svo er sagði Claus Mathiesen, hernaðarsérfræðingur við Danska varnarmálaskólann, í samtali við Jótlandspóstinn. Hann sagði að auðvitað sé það tap fyrir herinn að Zavadskii sé fallinn en það sé ekki óbætanlegt tjón fyrir Rússland. Líklega séu mörg þúsund hermenn, sem svipa til hans, í hernum og því verði væntanlega ekki mjög erfitt að finna nýjan mann í hans stað.
Það er svo sem ekki miklar upplýsingar að hafa um dauðdaga Zavadskii en á rússneskum samfélagsmiðlum gengur sú saga að hann hafi stigið á jarðsprengju sem Rússar höfðu sjálfir komið fyrir í Kharkiv. Var henni ætlað að granda úkraínskum könnunarsveitum.
Bandaríska hugveitan Institute for the Study of War segir að margt bendi til Zavadskii hafi fallið í Kherson en ekki Kharkiv.
Mathiesen sagði athyglisvert að 14. herdeildin, sem Zavadskii tilheyrði, sé í Úkraínu. Þessi herdeild tilheyri heimskautasvæði hersins og sé hluti af rússneska norðurflotanum sem hefur aðalbækistöð í Murmansk. „Þess vegna getur maður dregið þá ályktun að Rússar séu með nánast allt, sem þeir eiga, í stríðinu,“ sagði hann.
