Rétt í þessu varð snarpur skjálfti sem vel fannst á höfuðborgarsvæðinu. Á skrifstofu DV í Kópavogi hafa ekki fundist margir skjálftar í dag, en þennan fundu blaðamenn vel. Samkvæmt fyrstu upplýsingum frá Veðurstofu Íslands var um að ræða tvo skjálfta, annar var 4 að stærð og hinn 4,5 en aðeins liður tæpar 30 sekúndur á milli þeirra, enn á eftir að yfirfara þessar niðurstöður en Íslendingar ættu orðið að þekkja það vel að ólíkt kosningum þá eru fyrstu tölur ekki eins sannspáar um skjálftana.

Hefur fréttastofa DV fengið skilaboð frá fólki á sem er staðsett við miðbæinn sem fann skjálftann verulega vel. „FOKK hvað mér brá,“ sagði aðili sem býr í nágrenni við Hlemm. Aðili sem staddur er í Víðihlíð greindi þó frá þeim vonbrigðum að hafa ekkert fundið nema síma sinn til þess að tilkynna ritstjórn um skjálftaleysið.

Alltaf er best að hafa vaðið fyrir neðan sig en sum símtæki hafa sýnt íbúum á Suðurnesjum og víða þá kurteisi í dag að vara við skjálftum.

Ágætt að fá viðvörun í símann. pic.twitter.com/StVMrzIZh2

— Sigrún🦜🦜 (@crazy_bird_lady) July 5, 2023

Fjölmiðlar hafa rætt við hvern sérfræðinginn á eftir öðrum í dag og er spá þeirra á þá leið að verulegar líkur séu á eldgosi. Víkurfréttir hafa sett sig í stellingar og hafið beint streymi frá Keili. Þar til heyrir til tíðinda af gosi geta þó íbúar á suðvesturhorni landsins líklega notið þess að hrista hópinn aðeins saman.

Þorvaldur Þórðarson, eldfjallafræðingur, sagði í samtali við Vísi að umfang og útbreiðsla landriss á Reykjanesi bendi til þess að nægilegt kvikumagn sé til staðar fyrir kraftmikið gos, og þá erum við að ræða um kraftmeira gos heldur en síðustu tvö ár.

Fréttin hefur verið uppfærð og verður það kannski aftur