Héraðssaksóknari hefur gefið út ákæru á hendur manni fyrir að hafa, að kvöldi Þorláksmessu árið 2020, áreitt konu kynferðislega á heimili hennar á Akureyri.

Í ákæru Héraðssaksóknara, sem DV hefur undir höndum, er maðurinn sagður hafa tekið í hendur konunnar og því næst „dregið hana til sín, kysst hana tungukossi og þegar hún hafi reynt að koma sér frá tekið aftan á hálsinn á henni og kysst hana aftur, káfað á brjóstum hennar utanklæða, sett hönd hennar á getnaðarlim sinn utanklæða, dregið náttkjól hennar upp á mitti og káfað á mjöðmum hennar innanklæða en meðan á þessu stóð hafi hún ítrekað beðið hann að hætta og reynt að ýta honum frá sér.“

Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.

Jafnframt er þess krafist fyrir hönd konunnar að maðurinn verði dæmdur til að greiða henni eina og hálfa milljón króna í miskabætur, auk vaxta.

Aðalmeðferð í málinu fer fram fyrir Héraðsdómi Norðurlands eystra þann 17. maí næstkomandi.