Stórbruni er á Strandgötu í Hafnarfirði og voru slökkviliðsbílar ekki mættir á vettvang þegar DV bárust fyrstu myndir, útkall barst um klukkan 20.30.

Mik­inn reyk legg­ur frá svæðinu og sést hann víða á höfuðborgarsvæðinu.

Eldurinn logar í gamla íshúsinu við Hafnarfjarðarhöfn, þar sem skipasmíðastöðin Dröfn var til húsa. Húsið hefur staðið autt í nokkurn tíma.

Slökkviliðið á höfuðborg­ar­svæðinu sendi all­ar fjór­ar stöðvar á vett­vang og vegna vakta­skipta voru enn fleiri kallaðir á staðinn segir í frétt Mbl.is. Slökkvilið hófst handa við að slökkva eld­inn ut­an ­frá með slöng­um og mónitora sér til halds og trausts. Eins og staðan var leit fyr­ir að um altjón sé að ræða.

Vélsmiðja hefur verið starfandi í húsinu sem hér um ræðir en húsið sjálft er í eigu hjónanna Guðmundu Þórunnar  Gísladóttur og Haraldar Reynis Jónssonar. Þau eru stödd erlendis. Guðmunda upplýsti í örstuttu spjalli við blaðamann að áður hefði farið fram viðhald skipa og skipasmíðar í húsinu. Hún harmar brunann en vill ekki tjá sig um málið að öðru leyti en því að tjónið sé mikið.

Fréttin hefur verið uppfærð.