Ekki er talið að andlát manns að Grundarstíg á sunnudagsmorgun hafi borið að með saknæmum hætti. Tveir menn sem hafa verið í haldi lögreglu vegna málsins frá því á sunnudagsmorgun hafa verið látnir lausir úr haldi. Eftirfarandi tilkynning barst frá lögreglunni á höfuðborgarsvæðinu vegna málsins:
„Ekki er talið að andlát manns í Þingholtunum sem lögreglan á höfuðborgarsvæðinu fékk tilkynningu um snemma í gærmorgun hafi borið að með þeim hætti að grunur leiki á um refsiverða háttsemi. Lögreglan hefur rannsakað málið frá því að það kom upp. Mennirnir tveir sem voru handteknir á staðnum hafa nú verið yfirheyrðir og er það mat lögreglu að þeir hafi ekki átt þátt í dauða mannsins. Þeim hefur verið sleppt úr haldi.“
