Einn var handtekinn í Kringlunni í gær eftir að tilkynnt var að viðkomandi væri þar til vandræða. Viðkomandi var í annarlegu ástandi og var vistaður í fangageymslu. Í verslun í Háaleitis- og Bústaðahverfi þurfti lögreglan að hafa afskipti af ölvuðum einstaklingi sem svaf þar í anddyrinu.

Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.

Árekstur var í Garðbæ. Bifreiðar skemmdust en ekkert líkamstjón varð.

Í Smáralind var óskað eftir aðstoð lögreglu vegna viðskiptavinar sem gat ekki greitt fyrir veitingar sem hann hafði pantað sér.