fbpx
Mánudagur 15.ágúst 2022
Fréttir

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna

Ágúst Borgþór Sverrisson
Fimmtudaginn 30. júní 2022 16:30

Ekki missa af Helstu tíðindum dagsins í pósthólfið þitt

Lesa nánar

Fréttir DV um viðskiptahætti Gluggasmiðjunnar hafa vakið mikla athygli. Fyrirtækið er sakað um fjársvik sem felast í því að taka við pöntunum og háu staðfestingargjaldi en skila aldrei af sér pöntuðum vörum né endurgreiða staðfestingargjaldið. Samkvæmt heimildum DV vofir gjaldþrot yfir fyrirtækinu.

Margir hafa komið að máli við DV eftir lestur fréttanna. Sumir hafa sömu sögu að segja og viðmælendur í fréttunum, þ.e. að Gluggasmiðjan hafi ekki staðið við gerða samninga. Aðrir segjast hafa hætt við fyrirhugaðar vörupantanir eftir lestur fréttanna.

Sjá einnig: Svik Gluggasmiðjunnar: Hurðalaus sumarbústaður og gluggalaus hús – „Þeir mega ekki svíkja fleiri“

Húsfélagsformaður í Móabarði, sem hafði samband við DV í morgun, hefur hins vegar miklar áhyggjur af stöðu mála. Hann lagði inn pöntun hjá Gluggasmiðjunni í apríl vegna endurnýjunar á gluggum í húsinu og greiddi tæpar 3,2 milljónir króna í staðfestingargjald. Gluggarnir eiga að koma í ágúst en ekkert bendir til þess að þeir verði nokkurn tíma framleiddir. Hann tjáði DV að sölumanni hjá fyrirtækinu sem hann var í sambandi við hefði verið sagt að hann ætti ekki að mæta til vinnu í dag. Óvissa er um laun starfsmanna fyrirtækisins en starfsemi virðist hætt. Þó hefur verið tekið við pöntunum undanfarnar vikur en öllum pöntunum fylgja verulegar fjárhæðir í staðfestingargjald.

DV hefur hvorki tekist að ná í framkvæmdastjóra fyrirtækisins, Krysztof Hilla, né sölustjórann, Hafstein Hilmarsson. Er það sama upplifun og viðskiptavinir fyrirtækisins í vanda hafa greint DV frá. Betur gengur að ná í sölumenn fyrirtækisins en þeir vísa á yfirmennina varðandi krefjandi fyrirspurnir.

Einn verktaki sem hafði samband við DV í dag greindi hins vegar frá því að honum hafi tekist að ná fundi með þeim Krysztof, Hafsteini og sölumanni í höfuðstöðvum fyrirtækisins. Umræddur verktaki lagði inn pöntun fyrir glugga í september en hefur ekki fengið afhent. Hann greiddi 200 þúsund krónur í staðfestingargjald. Á fundinum var manninum boðið að taka út skuldina í vörum en síðan leist þeim Gluggasmiðjumönnum ekkert á vöruúttektirnar sem maðurinn hafði hug á. Lauk fundinum með því að Krysztof greiddi honum upp skuldina og afhenti honum kvittun fyrir henni.

Kona ein hafði samband við DV í dag og greindi frá því að hún hefði greitt 500 þúsund krónur inn á gluggapöntun í september. Gluggana hefur hún ekki fengið og ekki fengið endurgreitt. Umræða er hafin á meðal svikinna viðskiptavina Gluggasmiðjunnar um að sameinast í hópmálsókn gegn fyrirtækinu.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

„Klikkaðir túristar reyna að láta nýja eldgosið á Íslandi drepa sig“

„Klikkaðir túristar reyna að láta nýja eldgosið á Íslandi drepa sig“
Fréttir
Í gær

Ók um á fjórum nagladekkjum og grunaður um að hafa verið undir áhrifum fíkniefna og lyfja

Ók um á fjórum nagladekkjum og grunaður um að hafa verið undir áhrifum fíkniefna og lyfja
Fréttir
Fyrir 2 dögum

Dóra varar við netsvindlaranum Hlébarða-Dóru – „Fyrirframgreidd kort eru eina vitið“

Dóra varar við netsvindlaranum Hlébarða-Dóru – „Fyrirframgreidd kort eru eina vitið“
Fréttir
Fyrir 3 dögum

Salman Rushdie stunginn ítrekað

Salman Rushdie stunginn ítrekað
Fréttir
Fyrir 3 dögum

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband

Strandgestir flúðu í örvæntingu þegar rússneskar flugvélar sprungu – Atburðirnir á Krím geta breytt stríðinu – Myndband
Fréttir
Fyrir 3 dögum

Beindi hníf að lögreglumönnum – Bar hníf upp að hálsi manns

Beindi hníf að lögreglumönnum – Bar hníf upp að hálsi manns
Fréttir
Fyrir 4 dögum

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“

Fordæma netárás og hótanir í garð Fréttablaðsins – „Alvarleg tilraun til að hafa áhrif á sjálfstæða ritstjórn íslensks fjölmiðils“
Fréttir
Fyrir 4 dögum

Þriðja bílaapótekið

Þriðja bílaapótekið