„Aldrei hefur staðið til að leggja niður starfsemi dagsetursins Vinjar, og unglingasmiðjanna Stígs og Traðar fyrr en búið er að tryggja aðrar útfærslur á þeirri þjónustu sem veitt er. Unnið verður að umbreytingu þjónustunnar í samráði við fagfólk og hagaðila.“

Þetta kemur fram í tilkynningu frá Reykjavíkurborg sem send var á fjölmiðla rétt í þessu. Um er að ræða viðbragð við þeirri óánægju sem hefur kraumað upp á yfirborðið varðandi þá tillögu meirihlutans í borginni til að skera niður þjónustu og þar á meðal leggja niður starfsemina í Vin, sem dagsetur fyrir fólk með geðraskanir.

Skerða lífsgæði fólk sem getur ekki varið sig

Tillagan varðandi Vin, sem er ein af 92 hagræðingartillögum sem meirihlutinn lagði fram, hljóði svo.

„Lagt er til að Vin dagsetur verði lagt af en markhópi þjónustunnar mætt með öðru móti á félagsmiðstöðvum borgarinnar.“

Óhætt er að segja að tillagan hafi fallið í grýttan jarðveg. Velferðarsvið Reykjavíkurborgar tók við rekstri dagsetursins í júlí 2022 en áður hafði Rauði Krossinn á höfuðborgarsvæðinu rekið úrræðiðið með samningi við Reykjavíkurborg.

Þeirra á meðal var Þórir Guðmundsson, fyrrverandi forstöðumaður Rauða krossins í Reykjavík, sem fordæmdi tillöguna og sagði úrræðið bráðnauðsynlegt og hafa mikla sérstöðu. Verið væri að skerða lífsgæði fólks sem gæti ekki varið sig.

Í tilkynningunni frá Reykjavíkurborg segir að þótt búið sé að samþykkja tillöguna í borgarstjórn fari þær nú til frekari vinnslu og útfærslu í velferðarráði.

„Meðal þess sem skoðað verður er hvort hægt verði að útvíkka þjónustuna og ná til fleiri notenda, og hvort hægt verði að sameina annarri þjónustu. Reykjavíkurborg leggur áherslu á að ekki komi til skerðingar á lífsgæðum þess hóps sem sækir Vin og þeirra unglinga sem njóta þjónustu smiðjanna,“ segir í tilkynningunni.