Alexander Zhuravlyov, hershöfðingi og yfirmaður vesturhers Rússa, hefur verið rekinn úr starfi að sögn RBC fréttastofunnar. Hann var áður yfirmaður rússneska hersins í Sýrlandi.

The Guardian skýrir frá þessu. Vesturherinn er einn fimm herja, eða deilda, rússneska hersins.

Zhuravlyov bætist þar með í hóp háttsettra hershöfðingja og embættismanna sem hafa fengið að taka pokann sinn vegna ósigra og niðurlægingar Rússa í Úkraínu.

Rússar biðu marga ósigra í september og svo virðist sem fall Lyman um helgina hafi verið dropinn sem fyllti mælinn varðandi framtíð Zhuravlyov.

Roman Berdnikov, hershöfðingi, tekur við af honum að sögn RBC.