Samfélagið í Fjallabyggð er harmi slegið eftir atburði næturinnar en karlmaður lét lífið í nótt á Ólafsfirði eftir að hafa verið stunginn með eggvopni. Fjórir hafa verið handteknir vegna málsins.

Í færslu á Facebook-síðu Fjallabyggðar segir:

„Samfélagið í Fjallabyggð er harmi slegið vegna þeirra atburða sem urðu á Ólafsfirði í nótt. Hugur okkar er hjá þeim látna, hlutaðeigandi og aðstandendum þeirra sem tengjast þessum hræðilega atburði. Í litlu samfélagi er nær ómögulegt að verða ekki fyrir áhrifum þegar atburðir sem þessir eiga sér stað. Það er mikilvægt að. hlúa að sjálfum sér og sínum nánustu. Kirkjan í Ólafsfirði verður opin í dag og samverustund verður í kirkjunni kl. 20:00 í kvöld. Einnig viljum við benda á hjálparsíma Rauða kross Íslands 1717 sem opinn er allan sólarhringinn.“