Baráttukonan Margrét Friðriksdóttir losnar úr einangrun á morgun, laugardag, eftir að glímt við Covid-19 sjúkdóminn í rúma viku. Eins og DV greindi frá á dögunum náði Margrét loks að smitast af veirunni skæðu eftir að gert allt sem í hennar valdi stóð til að ná því fram. Meðal annars að drekka úr sama glasi og smituð dóttir sín og láta hana anda á sig.
Sjá einnig: Magga Frikka reyndi að smitast af Covid-19 en ekkert gekk
Sigrihrósandi hefur Margrét síðan tekist á við kórónuveirurnar með dyggri aðstoð ormalyfsins Ivermection sem hún á gnótt af og hefur skaffað ástvinum og öðrum sjúklingum einnig. Á Facebook-síðu sinni segir Margrét að hún hafi ekki heyrt múkk frá Covid-teymi yfirvalda á meðan veikindunum hefur staðið en í dag hafi hún fengið óvænta heimsókn.
Sjá einnig: Margrét gefur dætrum sínum ormalyfið Ivermectin
„Lögreglan bankaði upp á hjá mér áðan og spurði hvort ég væri að hanga í sameigninni,“ skrifar Margrét hneyksluð.
Heimsóknin hafi komið á versta tíma því að jarðaför ömmu Margrétar fór fram í morgun og gat hún eðli málsins ekki verið viðstödd athöfnina.
„Í alvöru Almannavarnir er ekki allt í lagi, nei greinilega ekki, ég losna úr einangrun á morgun og er þetta eina sem þið hafið að segja, spyrja mig hvort ég sé að leika mér á göngunum eins og smákrakki og komuð klukkutíma eftir að amma mín var jarðsungin, skammist ykkar segi ég bara,“ skrifar Margrét ósátt.
Færsla Margrétar: