Reiknað er með að 15.000 rússneskir dollaramilljónamæringar yfirgefið landið á þessu ári en þetta eru 15% af öllum dollaramilljónamæringum landsins.

The Guardian skýrir frá þessu og byggir á tölum um fólksflutninga frá ráðgjafafyrirtækinu Henley & Partners.

Andrew Amoils, rannsóknastjóri hjá World Wealth sem lét Henley & Partners gögn í té, sagði að milljónamæringar flýi frá Rússlandi. Brottfluttum milljónamæringum hefur fjölgað árlega síðasta áratuginn.

Hann sagði að flótti milljónamæringanna sé skýrt merki um vandamál landsins. Í sögulegu samhengi hafi lönd, sem hafa glímt við mikið hrun, upplifað að ríka fólkið flúði land áður en til hrunsins kom.

Henley & Partners er ráðgjafafyrirtæki sem kemur á sambandi á milli efnafólks og ríkja sem vilja selja því ríkisborgararétt.

Áður voru Bandaríkin og Bretland þau ríki sem ríka fólkið vildi komast til þegar það flutti úr landi en nú er staðan önnur og reiknar fyrirtækið með að Sameinuðu arabísku furstadæmin laði nú flesta þeirra til sín en reiknað er með að 4.000 dollaramilljónamæringar flytji þangað á þessu ári.

Reiknað er með að um 3.500 flytji til Ástralíu og og þar á eftir koma Singapúr og Ísrael.