Svona hefst færsla sem birt var í Facebook-hópi íbúa í Langholtshverfi í gærkvöldi. Sá sem birti færsluna er íbúi í hverfinu en hann segir í samtali við DV að búið sé að tilkynna um málið til yfirvalda. Þá segir hann að dýralæknir hafi krufið köttinn að beiðni Matvælastofnunar og að dýralæknirinn telji að kötturinn hafi innbyrt eitur.
„Líklega hefur kötturinn borðað hráan kjúkling með eitri. Þetta er ekki bara hættulegt köttum, heldur getur þetta verið hættulegt hundum og börnunum okkar,“ segir í færslunni sem birt var í Facebook-hópnum. „Ég bið ykkur því að hafa augun opin ef þið eruð á ferðinni um hverfið og tilkynna/fjarlægja ef þið verðið vör grunsamlegt æti (til dæmis fisk eða kjúkling) á víðavangi.“
Ljóst er að íbúum í hverfinu er brugðið vegna þessa en í athugasemdunum við færsluna er þeim sem ber ábyrgð á eitrinu bölvað. „Hrein og klár geðveiki. Manneskjan á heima á geðdeild,“ segir til að mynda einn íbúi í hverfinu í athugasemdunum við færsluna. „Hver gerir svona?“ spyr svo annar íbúi. „Viðurstyggileg mannvonska,“ segir svo enn annar íbúi.
