Hildur Sif Hauksdóttir, sérfræðingur hjá SaltPay og LXS-áhrifavaldur og Bergsveinn Ólafsson, fyrirlesari og hlaðvarpsstjórnandi sem iðulega er kallaður Beggi Ólafs, eru hætt saman. Vísir greindi frá sambandsslitunum en Hildur og Beggi höfðu verið í sambandi í rúm 8 ár.

Parið hætti saman í byrjun þessa árs en ástæðu sambandsslitanna má rekja til þess að líf þeirra liggja í mismunandi áttir. „Í verulega stuttu máli erum við á mismunandi vegferð í lífinu. Eftir langan tíma, vangaveltur og mörg samtöl töldum við best fyrir okkur bæði að láta leiðir skilja,“ segir Beggi um sambandsslitin í samtali við Vísi.

„Þetta er búið að vera verulega sársaukafullt ferli en þrátt fyrir það höfum við gert þetta allt saman mjög fallega. Mér þykir rosalega vænt um Hildi og vona innilega að hún blómstri í lífinu.“