Fjölskylda flugmannsins Haraldar Diego hefur ekki gefið upp vonina - Kafbátur notaður við leit í Þingvallavatni

Flugmaðurinn sem flaug vélinni sem leitað hefur verið að undanfarin sólarhring heitir Haraldur Unason Diego. Vísir greinir frá nafni Haraldar og greinir frá því að hann sé reynslumikill í faginu og rekur fyrirtækið Volcano Air. Hefur Haraldur notað talsverða vinsælda í útsýnisflugi með ljósmyndara enda er Haraldur sjálfur þrautreyndur ljósmyndari. Flugvélin sem leitað er að er af gerðinni Cessna 172N með skráningarnúmerinu TF-ABB.

Þrír ferðamenn voru með Haraldi í vélinni en Washington Post greinir frá því að þeir séu frá Bandaríkjunum, Hollandi og Belgíu

Ævintýramaðurinn Chris Burkard er góður vinur Haraldar og hefur oft flogið með honum. Hann birtir yfirlýsingu frá fjölskyldu Haraldar á Instgram-síðu sinni þar sem fólki eru færðar þakkir fyrir stuðninginn síðustu daga.

„Fjölskyldan vill koma því á framfæri að þau hafa ekki gefið upp vonina og þið ættuð ekki heldur að gera það,“ segir Burkard í færslu sinni.

Leit stendur yfir af í Þingvallavatni af flugvél Haraldar. Sérsveitin og kafarar fá Landhelgisgæslunni voru nú fyrir stundu að búa sig til að fara út á Þingvallavatn með lítinn fjarstýrðan kafbát til leitar í vatni. Fréttablaðið greinir frá því að leitarforritið Find My Iphone hafi verið notað miða úr staðsetningu farsíma sýndi strax í gær að sími eins þeirra sem var um borð í flugvélinni sem leitað er að væri líklega í sunnanverðu Þingvallavatni. Nánar er fjallað um málið á vef Fréttablaðsins.

Find my iphone2.jpg