Jón Sigmar Sigmarsson, 50 ára íbúi á Borgarfirði eystra. Hann varð fyrir þeirri reynslu að missa konuna sína vegna veikinda í upphafi ársins. Sama dag hringdi kona sem var að safna fé fyrir Umhyggju, félag langveikra barna.

Jón Sigmar sagði ekki standa vel á hjá sér þar sem hann hefði misst eiginkonu sína fyrr um daginn en konan í símanum gaf sig ekki og spurði: „Má ég samt ekki bjóða þér að greiða eina þrjú þúsund króna eingreiðslu?“ Honum misbauð svo að hann skellti á. Fréttablaðið greinir frá.

„Þetta er ömurlegt tillitsleysi og ægileg frekja,“ segir Jón Sigmar í samtali við Fréttablaðið.

Árný Ingvarsdóttir, framkvæmdastýra Umhyggju, segir þetta forkastanleg vinnubrögð og hefur óskað eftir skýringum. Verktakafélag hringi út fyrir félagið vegna söfnunar.

Hér má lesa umfjöllun Fréttablaðsins í heild sinni.