Vísir.is fékk staðfest hjá Guðna Sigurðssyni, yfirmanni samskiptamála Icelandair, að áhöfnin sé nú í sóttkví en hann vildi ekki svara því hversu margir hefðu greinst þar sem það væru persónuupplýsingar.
Þegar hann var spurður hvort samband hefði verið haft við alla farþega vélarinnar sagðist hann bara geta svarað almennt um fyrirkomulagið en við smitrakningu sé farið eftir viðmiðum hér á landi og erlendis. Samband hafi verið haft við þá sem teljast útsettir samkvæmt því.
