Eldur kom upp í risíbúð við Hringbraut í Hafnarfirði á fjórða tímanum í nótt. Greiðlega gekk að slökkva eldinn sem var einskorðaður við þessa einu íbúð í húsinu samkvæmt frétt RÚV.
Lögreglan hafði í nógu að snúast í gær og í nótt við að stöðva ökumenn sem grunaðir eru um akstur undir áhrifum áfengis eða fíkniefna. Samkvæmt dagbók lögreglu voru alls sjö bílstjórar teknir við eftirlit og kemur fram að tveir þeirra hafi gerst sekir um ítrekaðan akstur án gildra ökuréttinda. Þá var tilkynnt um innbrot í hús í hverfi 105 í nótt.
