fbpx
Þriðjudagur 22.júní 2021
Fréttir

Mikill sparnaður íslenskra fyrirtækja vegna færri utanlandsferða

Kristján Kristjánsson
Miðvikudaginn 26. maí 2021 09:04

Íslensk fyrirtæki spara tugi milljóna á færri utanlandsferðum.

Ekki missa af Helstu tíðindum dagsins í pósthólfið þitt

Lesa nánar

Þegar heimsfaraldur kórónuveirunnar er afstaðinn reiknar Íslandsbanki með að spara 30 til 60 milljónir á ári með því að fækka utanlandsferðum. Þetta hefur Markaður Fréttablaðsins eftir Birnu Einarsdóttur, bankastjóra, í umfjöllun um málið í dag.

Haft er eftir henni að hún sjái fram á verulega breytingu á fundarhöldum og ráðstefnusókn að heimsfaraldrinum loknum því bankinn hafi aðlagað sig að fundum á netinu vegna faraldursins. Hún tók fram að fjarfundir komi þó ekki í stað tengslamyndunar.

Andri Þór Guðmundsson, forstjóri Ölgerðarinnar, sagði að fyrirtækið stefni á töluverða fækkun utanlandsferða á þessu ári miðað við það sem var áður en heimsfaraldurinn skall á. „Auðvitað er langt í frá að fjarfundir komi í stað funda og þaðan af síður vörusýninga. Það má líka reikna með því að uppsöfnuð þörf sé á að hitta erlenda viðskiptavini og birgja augliti til auglitis. Stundum vegna mannabreytinga og stundum vegna viðkvæmra samninga þar sem betra er að vera á staðnum,“ er haft eftir honum.

Sveinn Sölvason, fjármálastjóri Össurar, sagði að hjá fyrirtækinu telji fólk að hægt sé að fækka ferðalögum, sem tengjast viðskiptavinum fyrirtækisins ekki, talsvert og að fjarfundabúnaður verði notaður meira en áður fyrir fundi innanhúss.

Benedikt Gíslason, bankastjóri Arion banka, tók í sama streng og sagðist telja að vinnutengdar ferðir í atvinnulífinu verði almennt færri en var fyrir heimsfaraldur. „Sérstaklega held ég að styttri ferðum til að sækja aðeins einn eða tvo fundi eigi eftir að fækka. Atvinnulíf um heim allan hefur vanist fjarfundum og upplifað gagnsemi þeirra og skilvirkni og því mun fjölga þeim tilfellum þar sem ferðalögin eru talin óþörf,“ er haft eftir honum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Kveikur gagnrýndur – RÚV sagt hafa látið Michele Ballarin blekkja sig

Kveikur gagnrýndur – RÚV sagt hafa látið Michele Ballarin blekkja sig
Fréttir
Í gær

Fulltrúar FBI þóttust ætla að bjarga Íslandi frá risatölvuárás en voru í raun bara að yfirheyra Sigga hakkara um Wikileaks

Fulltrúar FBI þóttust ætla að bjarga Íslandi frá risatölvuárás en voru í raun bara að yfirheyra Sigga hakkara um Wikileaks
Fréttir
Fyrir 3 dögum

Barnaverndarnefnd Kópavogs fékk móður svipta forræði yfir þremur börnum – Landsréttur staðfesti dóminn

Barnaverndarnefnd Kópavogs fékk móður svipta forræði yfir þremur börnum – Landsréttur staðfesti dóminn
Fréttir
Fyrir 3 dögum

Klósettperri á Nesjavöllum kom upp falinni myndavél – Orka náttúrunnar lagði fram kæru

Klósettperri á Nesjavöllum kom upp falinni myndavél – Orka náttúrunnar lagði fram kæru
Fréttir
Fyrir 4 dögum

Ráðherra kveður Sólveigu hinstu kveðju – „Solla mætti manni alltaf skælbrosandi“

Ráðherra kveður Sólveigu hinstu kveðju – „Solla mætti manni alltaf skælbrosandi“
Fréttir
Fyrir 4 dögum

Maður sem hefur ítrekað verið sakaður um kynferðislega áreitni við starfsfólk á Bessastöðum heldur starfi sínu en þolendur hans flýja

Maður sem hefur ítrekað verið sakaður um kynferðislega áreitni við starfsfólk á Bessastöðum heldur starfi sínu en þolendur hans flýja