fbpx
Föstudagur 19.ágúst 2022
Fréttir

Telur líklegt að skattaundanskot færist í vöxt

Kristján Kristjánsson
Miðvikudaginn 14. apríl 2021 07:59

Ekki missa af Helstu tíðindum dagsins í pósthólfið þitt

Lesa nánar

Birgir Örn Birgisson, fráfarandi framkvæmdastjóri Domino‘s á Íslandi, telur líklegt að skattaundanskot, í formi svartra launagreiðslna, færist i vöxt á næstu misserum hjá smærri fyrirtækjum á veitingamarkaðinum. Ástæðan er sligandi launakostnaður.

Markaður Fréttablaðsins skýrir frá þessu í dag. „Við erum að sjá dæmi þess að furðulegir hlutir eru að gerast í geiranum. Eitt fyrirtæki í veitingarekstri, sem treystir meðal annars á nætursölu, birti ársreikning nýlega þar sem launahlutfall var 12 prósent af veltu, langt undir þeim rúmlega 40 prósentum sem eru almennt í geiranum á Íslandi. Þegar rekstraraðili veitingahúss birtir ársreikning með 12 prósenta launahlutfall, þýðir það annað hvort að viðkomandi er margfalt betri í rekstri en allir samkeppnisaðilar og geirinn í heild sinni. Eða þá að þeir geta ekki sýnt hærra launahlutfall í reikningum vegna þess að stór hluti launa er greiddur undir borðið. Dæmi hver fyrir sig,“ er haft eftir Birgi.

Einnig er haft eftir honum að fyrir 15 til 20 árum hafi mikið verið um svartar launagreiðslur í veitingageiranum en það hafi næstum liðið undir lok þegar virðisaukaskattur á veitingarekstur var lækkaður. Þá hafi allar tekjur komið upp á borðið og reksturinn hafi orðið eðlilegur og heiðarlegur. Nú virðist hins vegar bera á því, sérstaklega hjá smærri rekstraraðilum, að laun séu greidd undir borðið. Þetta segir hann vera vegna uppbyggingar kjarasamninga því yfirvinnutaxtar leggist of þungt á veitingageirann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Segja vísbendingar um að árás Úkraínumanna á Kherson sé yfirvofandi

Segja vísbendingar um að árás Úkraínumanna á Kherson sé yfirvofandi
Fréttir
Fyrir 23 klukkutímum
Handtekinn í Kringlunni