Á fyrsta tímanum í nótt var maður fluttur á sjúkrahús með sjúkrabifreið eftir líkamsárás í miðborginni. Hann verður síðan vistaður í fangageymslu vegna rannsóknar málsins þegar hann losnar af sjúkrahúsinu. Að auki voru tveir menn til viðbótar handteknir vegna málsins og vistaðir í fangageymslu.

Um klukkan tvö í nótt var kona handtekin í Mosfellsbæ, grunuð um líkamsárás. Hún var vistuð í fangageymslu. Ekki liggja fyrir upplýsingar um áverka árásarþola.

Þrír ökumenn voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Einn ökumaður var kærður fyrir ítrekaðan akstur sviptur ökuréttindum.