Í þessari viku hefur lögreglan á Suðurnesjum farið í tvö útköll vegna meðvitundarleysi ungmenna. Í báðum tilfellum grunar lögregluna að ólöglegt vímuefni hafi verið í rafsígarettu sem ungmennin voru að nota.
„Sem betur fer hlaut enginn alvarlegan skaða af en lögreglan ítrekar hættuna af notkun slíkra efna sem og að nota vape sem við vitum ekki hvað er í,“ segir í tilkynningu sem lögreglan birti á Facebook-síðu sinni í dag. Ekki er farið nánar út í það hvaða hættulega efni lögreglan á við í færslunni.
