Undanfarið hefur nokkuð viðbjóðslegt mynband gengið um netheima hér á landi. Myndbandið sem um ræðir virðist vera tekið upp á öryggismyndavél í kynlífstækjabúð. Í því sést maður ganga inn í kynlífstækjabúð, vippa kynfærum sínum út og stinga þeim inn í kynlífsmúffu í raunstærð.

Myndbandið hefur vakið nokkuð mikla athygli meðal Íslendinga á samfélagsmiðlinum TikTok, líklega þar sem því er haldið fram að athæfið sem sést í myndbandinu hafi átt sér stað hér á landi, nánar tiltekið í kynlífstækjaversluninni Adam og Evu. „Stemmari í Adam og Evu,“ er skrifað með myndbandinu.

Adam og Eva birtu myndbandið á Instagram-síðu sinni í gær til að vekja athygli á því að það væri ekki rétt að það sé frá þeim. „Það er sem sagt einhver strákur sem birtir þetta myndband. Þetta myndband er upphaflega frá Reddit-síðunni. Það er einhver strákur sem setur færslu inn á TikTok um að það sé „stemmari í Adam og Evu“ og birtir myndbandið,“ útskýrir Margrét, starfsmaður Adam og Evu í samtali við DV.

„Þannig flýgur þetta af stað, að þetta sé bara í Adam og Evu, að það sé allt að frétta þar. En það sést augljóslega að þetta er ekki okkar búð og hefur aldrei verið.“

Margrét segir að fyrirtækið hafi fengið ábendingar um myndbandið úr mörgum áttum. „Ég var bara að klára að lesa hérna tölvupóst um að við þyrftum að kæra þetta til lögreglu ef þetta hefði verið að gerast í okkar búð. Það er mikið svona fuður um þetta. Þetta er bæði óþæginlegt en samt eiginlega hálf fyndið.“

Þá segir hún að það lýti ekki út fyrir að myndbandið sé tekið upp hér á landi. „Bara eitthvað frekar gamalt og sjúskað,“ segir hún um það. „Þetta lýtur út fyrir að vera einhver pólsk klámbúlla bara að innan.“