Lögreglan handtók í nótt mann í mjög annarlegu ástandi í sóttvarnarhúsi. Hann er grunaður um líkamsárás, eignaspjöll og brot á sóttvarnarlögum þar sem hann er með staðfest COVID-19 smit. Maðurinn var vistaður í fangageymslu.

Einn var handtekinn eftir að hafa verið gripinn glóðvolgur við innbrot í skóla í miðborginni. Maðurinn var vistaður í fangageymslu.

Í Kópavogi var maður handtekinn grunaður um rán og nytjastuld á ökutæki. Hann var vistaður í fangageymslu.

Nokkrir ökumenn voru kærðir fyrir umferðarlagabrot í gærkvöldi og nótt, þar á meðal fyrir að vera undir áhrifum áfengis og/eða fíkniefna.