Fjarlægðarmörk verða einn metri og samkomuhámark 200 manns. Skemmtistöðum verður gert að loka á miðnætti. Þetta kom fram í viðtali Svandísar Svavarsdóttur við Vísir.is að loknum þriggja klukkustunda löngum ríkisstjórnarfundi á Hótel Valaskjálf Egilsstöðum.

Breytingarnar taka gildi á miðnætti á laugardagskvöld.

Ágreiningur var á fundinum en niðurstaðan var sú að fylgja minnisblaði sóttvarnalæknis að mestu, segir Svandís.

Aðgerðirnar eru í gildi til 13. ágúst.

Grímuskylda verður tekin upp við tilteknar aðstæður en það verður kynnt betur síðar.

Katrín Jakobsdóttir forstæsiráðherra sagði við Stöð 2 að algjör samstaða hefði orðið um niðurstöðuna þó að meiningarmunur hefði verið uppi. Það skal áréttað að fundurinn tók þrjá klukkutíma og ekki voru önnur mál á dagskrá.

Bjarni Benediktsson sagði of snemmt að fullyrða að aðgerðirnar myndu valda bakslagi í þeim efnahagsbata sem nú er að verða.