Þórólfur er í viðræðum við stjórnvöld um hvað er til ráða. Hann segir að það sé verið að líta sérstaklega til þess hversu margir séu að veikjast alvarlega og hversu margar innlagnir eru yfirvofandi á Landspítalanum.
Seinustu tvo daga hafa tæplega 100 smit greinst innanlands en samkvæmt Þórólfi Guðnasyni sóttvarnalækni tengjast flest smitin skemmtistöðum í Bankastræti og hóps sem kom frá London. RÚV greinir frá. Samkvæmt heimildum DV koma smitin frá London frá hópi sem fór þangað til að horfa á úrslitaleik Evrópumótsins í knattspyrnu.
Alls greindust 56 smitaðir í gær en 38 voru utan sóttkvíar við greiningu. Fullbólusettur einstaklingur á sjötugsaldri er sá eini sem liggur inni á sjúkrahúsi vegna Covid-19.
Þórólfur er í viðræðum við stjórnvöld um hvað er til ráða. Hann segir að það sé verið að líta sérstaklega til þess hversu margir séu að veikjast alvarlega og hversu margar innlagnir eru yfirvofandi á Landspítalanum.
