Hættusvæði umhverfis gosstöðvar hefur verið uppfært vegna breytinga á gosvirkni í Geldingadölum. Öflugir kvikustrókar ná nú 200-300 m hæð yfir yfirborð og mynda gjósku sem berst frá gosupptökum en 5-15 cm bombur hafa fundist nokkur hundruð metra frá virkum gíg. Þetta kemur fram í tilkynningu frá Lögreglunni á Suðurnesjum.
Líkanreikningar úr módelinu Eject (eftir Mastin) og upplýsingar úr mörkinni hafa verið notuð til að draga útlínur nýs hættusvæðis þar sem bombur úr kvikustrókum geta verið lífshættulegar. Hættusvæði af völdum bomba er metið 400 m radíus umhverfis gíg í logni og radíus eykst í 650 m ef vindur er 15 m/s. Gjóskufall fylgir vindátt og minni korn geta fallið utan skilgreinds hættusvæðis 3.
