Á sjötta tímanum í gær var tilkynnt um rúðubrot á veitingastað í Breiðholti. Þegar lögreglan kom á vettvang var gerandinn þar enn. Hann hlýddi ekki fyrirmælum lögreglunnar og þurftu lögreglumenn að beita varnarúða á hann til að yfirbuga hann. Hann var handtekinn og vistaður í fangageymslu.

Á tíunda tímanum var maður handtekinn í Hafnarfirði, grunaður um eignaspjöll. Hann var vistaður í fangageymslu. Skömmu fyrir miðnætti var maður handtekinn í verslun í miðborginni, grunaður um eignaspjöll og líkamsárás. Hann var vistaður í fangageymslu.

Einn ökumaður var handtekinn í gærkvöldi, grunaður um ölvun við akstur.