Á fyrsta tímanum í nótt var tilkynnt um þjófnað á kjöti úr verslun í Breiðholti. Lögreglan hafði afskipti af meintum þjófi sem hafði komið á vettvang í leigubifreið. Hann gat ekki greitt fyrir leigubifreiðina.

Á sjötta tímanum í gær meiddist maður á fæti í Esjunni, talið er að hann hafi ökklabrotnað. Þyrla Landhelgisgæslunnar var í æfingarflugi og sinnti útkallinu og flutti manninn á Bráðadeild.

Einn ökumaður var handtekinn í gærkvöldi, grunaður um að vera undir áhrifum fíkniefna og vörslu fíkniefna.

Lögreglan hafði afskipti af einum manni í miðborginni í nótt en sá er grunaður um vörslu fíkniefna. Mál hans var afgreitt með vettvangsskýrslu.

Á öðrum tímanum í nótt var maður í mjög annarlegu ástandi handtekinn á Kjalarnesi. Hann gat ekki gert grein fyrir sér og var ekki með nein skilríki. Hann var vistaður í fangageymslu.