Gunnar Jóhann Gunnarsson, Íslendingur sem sakaður er um að hafa banað bróður sínum Gísla Þór Þórarinssyni af ásetning í apríl á síðasta ári, óskaði eftir því að fá að yfirgefa dómsalinn í morgun þegar myndir voru sýndar af blóðugum vettvang brots hans. Þetta kom fram í frétt Vísis sem byggð er á frétt staðarmiðilsins iFinnmark.

Þessa daganna flytur ákæruvaldið í Austur-Finnmörk í Noregi mál sitt gegn Gunnari Jóhanni fyrir héraðsdóm. Óumdeilanlegt er að Gunnar ber ábyrgð á andláti bróður síns en ákæruvaldið telur hann hafa banað honum af ásetning á meðan Gunnar Jóhann ber því við að um gáleysi hafi verið að ræða.

Á þeim myndum sem sýndar voru fyrir dóm í dag var mikið magn af blóði. Lögreglumaður vitnaði um að blóð hafi verið á hurðum á hurðarhúnum á heimili Gísla Þórs. Eins hafi fundist blóð á veggjum sem bendi til að átök hafi átt sér stað.