Mál Kristjáns Gunnars Valdimarssonar lögmanns og fyrrverandi lektors við HÍ er komið inn á borð ákærusviðs lögreglunnar.
RÚV greinir frá.Karl Steinar Valsson, yfirlögregluþjónn hjá miðlægri rannsóknardeild lögreglunnar á höfuðborgarsvæðinu staðfestir í samtali við RÚV að rannsókn málsins sé lokið. Ákærusvið lögreglunnar á höfuðborgarsvæðinu mun fara yfir málið með tilliti til þess hvort það sé fullrannsakað svo hægt sé að taka ákvörðun um saksókn í málinu.
Ekki settur í farbann
DV greindi fyrst fjölmiðla frá langvarandi ófremdarástandi á heimili Kristjáns Gunnars við Aragötu, á háskólasvæðinu í Reykjavík. Þar kom fram að unglingapartý þar sem neytt var fíkniefna væru tíð á heimili lekstorsins og heimildir voru fyrir því að hann hefði boðið stúlkun fíkniefni gegn kynlífi. Þá kom fram að stúlka hefði verið flutt af heimili hans eftir ofneyslu efna og að sjálfur hefði hann verð frelsissviptur á heimili sínu.
Kristján Gunnar var síðan handtekinn þann 25.desember síðastliðinn og sat í gæsluvarðhaldi til 29. desember, grunaður um kynferðisbrot og frelsissviptingu. Í kjölfarið komu fram ásakanir um meint kynferðisbrot lektorsins. Ekki var hins vegar krafist áframhaldandi gæsluvarðsúrskurðar yfir honum.
Í febrúar síðastliðnum greindi DV frá því að Kristján Gunnar hefði farið af landi brott þann 9.janúar, og flogið frá Keflavíkurflugvelli til New York. Samkvæmt áreiðanlegum heimildum DV fór Kristján til Bandaríkjanna til að leita sér lækinga við fíkn sinni.
