Lögreglan á höfuðborgarsvæðin sinnti um 100 verkefnum frá kl. 17 í gær til 5 í morgun og var þó nokkur erill hjá lögreglu. Gistu margir fangageymlu.
Um kl. 18 í gær var tilkynnt um ölvaða konu á rafskutlu í Reykjavík. Í tilkynningunni kom fram að konan skapaði sjálfri sér og öðrum í hættu, að því er segir í dagbók lögreglu en ekkert nánar greinir frá málinu.
Klukkan 23 í gærkvöld var tilkynnt um konu að ganga í veg fyrir bíla á Sæbraut í hverfi 101. Konan var ölvuð og kvaðst hún ætla að ganga sína leið á gangstéttinni. Konan þakkaði lögreglunni fyrir aðstoðina.
Laust fyrir miðnætti var maður vopnaður kylfu handtekinn í miðborginni, sá reyndi að komast undan lögreglu og hlýddi ekki fyrirmælum lögreglu. Maðurinn var vistaður í fangageymslu sökum málsins.
Um sama leyti var ráðist á lögreglumann við skyldustörf í miðborginni. Lögreglumaðurinn er talinn handleggsbrotinn eftir árásina. Málið er í rannsókn.
Fjölmargar tilkynningar voru um samkvæmishávaða, slagsmál og skemmdarverk. Þá voru fjölmargir grunaðir um fíkniefnaneyslu.
Síðdegis í gær var tilkynnt um mann liggjandi á grasbala í Kópavogi. Er lögregla hafði afskipti af manninum kvaðst hann vera í sólbaði.
